الكاتب العام السابق للاتحاد الإفريقي لكرة القدم، مراد فهمي، سخن عليه راسو هاد اليام على رئيس الكاف احمد أحمد و على الجامعة الملكية المغربية لكرة القدم.
المصري جارو عليه من بلاصتو وبلاصاه خونا وحبيبنا معاد حجي كاتبا عاما للكاف، اوا هى علاش بدا كيتري فينا و أبا أحمد أحمد.
فهمي اتهم احمد أحمد بتعيين حكام عاونوا المنتخبات المغربية وذكر خاصة الحكم الغامبي باكاري گاساما، لي گال عليه أنه حكم بزاف ديال الماتشات توع المنتخب المغربي والفراقي المغربية وتنسى هاد بوقال أن هاد گاساما، هو لي خرج على الوداد البيضاوي في نهائي عصبة الأبطال برادس أمام الترجي التونسي.
وزاد قال في شي تلفزة مصرية البارح أن هاد الكاف غرقات في الكريديات وقربت دير فاييت، و أيام عيسى حياتو، لي كان تهوى متهم بالفساد، أيام كانت أيام عز وخير.
وأكد على أن أكبر دليل على أن هاد الكاف سوقها خاوي، هو القرار الغلط لخداتو فاش طلبت بإعادة نهاء العصبة بين الترجي و الوداد، و لي مشي من حقها تصدر بدليل الغاؤ بزربة.
