المصدر كود سبور
سعيد الناصيري، رئيس الوداد البيضاوي، عيط للمدرب الفرنسي سيباستيان دوسابر، باش يتفاوض معاه على رجوعه للوداد رسميا بعد الماتش ديال بيترو أتليتيكو الانگولي نهار السبت جاي بملعب مركب محمد الخامس فالدار البيضاء برسم الجولة الثالثة من مسابقة دوري الأبطال.
الناصيري قاني على المدرب زوران مانولوفيتش منين خسر أمام الرجاء البيضاوي في الديربي نهار السبت لي
فات، وباغي يطيرو اليوم قبل غدا.
وكشف مصدر “كود”، أن دوسابر وصل لكازا البارح، وبدا المفاوضات مع الناصيري، وما شي بعيد يتفقوا على جميع التفاصيل، من بينها الجانب المالي.
الناصيري استغل انفصال ديال دوسابر مع فريق بيراميدز المصري، باش يرجعو للوداد، خصوصا أن الجمهور ما راضيش على الطريقة لي كيلعب بها الصربي مانولوفيتش.
وأكد المصدر نفسه، أن دوسابر هو المدرب المقبل للوداد بنسبة 90 في المائه، لأن الجميع ما راضيش وما قابلش يبقى مانولوفيتش فالوداد.
