الوداد الرياضي، بحال العام لفايت، بدا العام، بسبيطارات، و الأعطاب، و أول واحد غادي يفتح في الفريق، سفر اليوم
صيفت الوداد البيضاوي لاعبه المصاب، سفيان المودن، لفرنسا، باش يدير عملية جراحية، على واحد العظم في شوفيا / الكاحل ديالو.
و صرح رئيس الوداد، سعيد الناصيري، في واحد الموقع عربي [ كووورة]، هاد النهار اليوم الجمعة:
“كي لا يتم تهويل الأمر باش الجمهور ميكبرش عليه الفيلم ، اللاعب عندو إصابة على مستوى الكاحل، وتسنينا أسبوعين باش يتشافى “.
وزاد وضح: ” المشكل متشافش و حس ببعض الآلام الخفيفة، وبان من بعد أنه، عندو عظم صغير هو سبب الصداع لي عندو، وخاص يتحيد، وقررنا نصيفتوه لفرنسا، باش الأمور الدوز بخير ، و غادي يولي بخير إن شاء الله”.
(سفيان المودن)
و ختم هدرتو رئيس الوداد عن العملية : “الجراحة غادي اديروها ليه بأشعة الليزر، وهذا النوع من الجراحات معروف تما (في فرنسا)، ونسب نجاحها كبيرة بزاف”.
وغادي يغيب المودن عن الوداد، و ما يرجع حتى الأسبوع المقبل، باش يدخل في مرحلة تأهيل قبل أن يتدرب مع اللاعبين.
و كان تصاب سفيان المودن مستوى الكاحل في المباراة الودية الي لعبها الوداد الرياضي ضد أولمبيك مراكش.
المهم، نتمناو الشفاء، لهاد اللاعب لي وقع مؤخرا مع نادي الوداد الرياضي عقدا احترافي، لمدة ثلاث سنين، في صفقة إنتقال من اتحاد طنجة.
