صرح وليد الركراكي مدرب الوداد الرياضي الجديد، على إذاعة راديو مارس بخصوص اللاعبين لي غادي يعتمد عليهم في الموسم الجديد.
و أكد على أنه لا يعرف مصير المهاجم أيوب الكعبي و الذي إنتهى عقده مع الوداد، و كيبقى الباب مفتوح ليه إلى بغى يجدد العقد ديالو
وزاد قال أنه غادي يعتمد على الحارس التغناوتي مع تطوير نقطة ضعفو ولي هي اللعب بالأرجل
أما فيما يخص صلاح الدين السعيدي، فأكد المدرب الجديد للوداد، على أن العقد ديال عميد الوداد إنتهى و أنه لا يرغب في تجديده من أجل إعطاء دم جديد في مركز وسط الميدان الدفاعي للفريق هذا الموسم.
بالنسبة للاعب سفيان المؤدن كيأكد على أنه إنتقل للنهضة بركان، و على أن فهاد البوسط عندو بزاف اللاعابة لي حسن منو
بالنسبة لسكومة غادي يكون بحالو بحال المجموعة، الأفضلية لي غادي يخدم في التداريب
أكد مدرب الوداد الرياضي الجديد على أنه غادي يجلس مع بديع اوك و كومارا باش يحاول يفهم شنو سبب تراجع مستواهم قبل ما يتخد قرر نهائي، لأنه النسبة ليه، المدافع كومارا مرجعش من الإصابة لي تعرض ليها، أما بديع اوك، فكيشوف أنه مايمكنش يفهم كيفاش اوك كان نجم في أكادير و أنه حاليا مستوه طاح بشكل كبير ، خصوصا أن اللاعب مطلوب من طرف بزاف ديال الاندية في البطولة على حقاش كيسحاب ليهم أنناً غادي نفرطو فيه، ولكن نفهم بعد و من بعد ناخدو القارة
