حالة من الخوف و القلق، تسبب فيها لاعب الرجاء الرياضي أنس جبرون في صفوف فريق الزمالك المصري
منبعد هدك الماتش لخسرو الرجاء الرياضي مع الزمالك في ماتش الذهاب في دونور، نهار الأحد بليل بهدف لزيرو، هدك لماتش عرف سبحان الله، دخول أنس جبرون المغضوب عليه من طرف المدرب جمال السلامي، و لي لعبو بزز على قلبو على حقاش ناناح و زريدة جاتهم كورونا قبل ماتش بنهار.
المهم دخل التطواني، في الميطا الثانية و دار ماتش مقبول، خصوصا أنه مدة ملعبش
المشكل ديال جبرون فين تخلق فاش تبادل التوني ديالو مع شي لاعب من الزمالك منبعد الماتش، وبطبيعة الحال، هي حاجة عادية و نورمال بين الكويرية، حتى النهار الأحد كانت عادية.
ولكن نهار البارح الأثنين مبقاتش عادية، لأن أنس جبرون تصاب بكورونا و دخل الخلعة في المصريين لي غير شافو تصويرتو بتوني ديال شي لعب من الزمالك و لاو كيقلبو على شكون خدا التوني ديال الرجاوي و بدات سين وجيم ديالهم
إوى يمكن يكون دار زوين معاهم، حيت الرجاء عندها 8 المصابين ولكان نفس العدد عند المصريين نقدرو نأجلو الماتش.. المهم الله يشافي ويحفظ الجميع
