نايف أكرد وجه رسالة من السبيطار
المغربي نايف أكرد يمكن يكون سالّى الموسم ديالو بكري. المدافع كان كيعاني من إصابة فـالعضلة ديال العانة مدة طويلة،
وما بقا قدّامو حتى حل غير يدير عملية جراحية، كيف ما كان تذكر فالأيام اللي فاتت. العملية دازت فالساعات الأخيرة ودابا
الدولي المغربي غيغيب لعدة أسابيع.
فأفضل الحالات، يقدر يرجع يكون واجد فآخر مباريات البطولة، وخصوصاً باش يكون حاضر فـ كأس العالم، اللي كيبقى الهدف
الكبير ديالو مع المنتخب المغربي من بعد خسارة نهائي كأس أمم إفريقيا فآخر شهر يناير.
المدرب حبيب باي أكد فندوة صحفية أن العملية دازت مزيان، ودابا الدور جا على أكرد باش يعطي الأخبار ديالو خلال فترة التعافي.
وقال أكرد فحساباتو على مواقع التواصل:
“منذ شهر أكتوبر وأنا كنعاني من آلام ولات جزء من حياتي اليومية. منين كنفيق حتى كننعس، وحتى فالليل ، الألم كان ديما حاضر. رغم جميع البروتوكولات الطبية اللي درنا فالأشهر اللي فاتت، للأسف ما بقاش كافي. ولهذا العملية ولات ضرورية.
هاد القرار كان خاصو يتخذ من قبل، ولكن بغيت نستمر ونقلب على أحسن الحلول قبل ما نوصل لهاد المرحلة. دابا خاصني
غير الراحة وإعادة التأهيل، بهدف واحد: نرجع واجد فـ100٪ بلا ألم باش نعاون الفريق ديالي أولمبيك مارسيليا فآخر مباريات
الموسم.
كنشكر حتى زملائي فـ المنتخب المغربي وداخل أولمبيك مارسيليا اللي شافوني كنعاني فهاد الأشهر ووقفو معايا بزاف.
كنتمنى لهم التوفيق فالمباريات الجاية.”
